स्वास्थ्य वैज्ञानिकको सम्मेलन हुँदै
<p>काठमाडाैं। स्वास्थ्य तथा जनसंख्या वैज्ञानिकको छैटौँ राष्ट्रिय सम्मेलन सोमबार र मंगलबार हुने भएको छ।</p>
<p>नेपाल स्वास्थ्य अनुसन्धान परिषद्को आयोजनमा हुने सम्मेलनमा ३२ वटा अनुसन्धानमूलक कार्यपत्र प्रस्तुति हुनेछ।</p>
<p>कोभिड-१९ का कारणले सम्मेलन भर्चुअल (जुम) बाट गरिने परिषद्का वरिष्ठ अनुसन्धान अधिकृत डा. मेघनाथ धिमालले जानकारी दिए। </p>
<p>उनले स्वास्थ्य तथा जनसंख्याका क्षेत्रमा भएका अध्ययन अनुसन्धानबाट निस्केको निष्कर्षले सरकारलाई ती क्षेत्रको नीतिनिर्माण सहयोग पुग्ने उद्देश्यले सम्मेलन आयोजना गरिएको बताए। </p>
<p>सम्मेलनको स्वास्थ्य तथा जनसंख्यामन्त्री भानुभक्त ढकालले उद्घाटन गर्नेछन्। परिषद्ले प्रत्येक वर्ष सम्मेलन गर्दै आइरहेको छ।</p>
<p>सम्मेलनमा करीब ५०० वैज्ञानिकको सहभागिता हुनेछ। <em>रासस</em></p>
प्रतिक्रिया दिनुहोस्
.jpg)
