कोरोनाविरुद्धको नेपालको खोपमा डब्लूएचओको चासो
<p>हेटौंडा। विश्‍व स्वास्थ्य संगठन (डब्लूएचओ)ले हेटौंडास्थित त्रिवि वनविज्ञान अध्ययन संस्थानको प्रयोगशालामा कोरोनाविरुद्ध बनाउने भनिएको औषधि र प्रयोगशाला सम्बन्धमा चासो लिएको छ।</p>
<p>अध्ययन संस्थानका प्रा.डा. ललितकुमार दासले बनाउने भनेको खोप र त्यसको उपयोगिता सम्बन्धमा डब्लूएचओले हिजो जानकारी लिएको हो।</p>
<p>डब्लूएचओको जेनेभास्थित मुख्यालयले भिडिओ कन्फरेन्समार्फत नेपालसहित ७३ राष्‍ट्रका विज्ञसँग कोरोनाविरुद्ध बनिरहेका औषधि र आवश्यक सहयोगसबन्धमा छलफल गरेको प्रा.डा. दासले जानकारी दिए।</p>
<p>यसअघि उक्त प्रयोगशालामा उत्पादित औषधि र खोप विवरण डब्लूएचओमा पठाइएको थियो। अध्ययन संस्थानका प्राध्यापक दामोदर गैरेको सहयोगमा डब्लूएचओमा लिखित जानकारी पठाइएको र छलफलका लागि प्रयोगशाला छनोट भएपछि भिडिओ कन्फरेन्समा डा. दासको समूहलाई छलफलमा बोलाइएको हो।</p>
<p> “पहिले नेपालको सम्बन्धित निकायले खोपको परीक्षण गर्नुपर्छ, त्यसपछि डब्लूएचओसँग त्यसको प्रभावकारिता मूल्यांकनका लागि पहल गरिनेबारे कुराकानी भयो,” प्रा. गैरेले भने। </p>
<p>उक्त खोपको परियोजना स्वीकृत भएमा पाँच लाख अमेरिकी डलर ‘ट्रायल फन्ड’ प्राप्त हुनेछ। <em><strong>रासस</strong></em></p>
प्रतिक्रिया दिनुहोस्
.jpg)
