शेयर बजारमा ३९ मिनेटमै सर्किट ब्रेक, कारोबार बन्द
<p>काठमाडौं। सेयर कारोबार खुलेको ३९ मिनेटमै नेप्से परिसूचकमा सर्किट ब्रेक लागेको छ। आज ११ बजेर ३९ मिनेटमै नेप्से परिसूचक २४.५८ अंक अर्थात २ प्रतिशतले बजार घटेर सर्किट ब्रेक लागेको थियो।</p>
<p>नेप्से परिसूचक घटेर १२०१.५७ अंकमा पुगेको छ। लकडाउनपछि बजार खुलेकाे आज दाेस्राे दिन हाे। </p>
<p>त्यस्तै, सेन्सेटिभ इन्डेक्स पनि ५.३५ अंकले घटेर २६० अंकमा झरेको छ।</p>
<p>बजारमा कूल ३६ लाख १३ हजार ५ सय २३ रुपैयाँ बराबरको सेयर किनबेच भएको छ। सो अवधिमा ७४ कम्पनीको १० हजार ५ सय २६ कित्ता सेयर किनबेच भएको छ। सबैभन्दा बढी नेपाल दुरसञ्चार कम्पनीको ८ लाख ६२ हजार कित्ता सेयर कारोबार भएको छ।</p>
<p>आज लक्ष्मी बैंक र तारागाउँ रिजेन्सी होटलको सेयर मूल्यमा सर्किट लागेको छ।</p>
प्रतिक्रिया दिनुहोस्
.jpg)
