भारतमा अलपत्र नेपालीको उद्धारको माग गर्दै कञ्चनपुरमा प्रदर्शन (भिडिओसहित)
<p>कञ्‍चनपुर। भारतमा रहेका नेपालीको उद्धार गर्न माग गर्दै कञ्‍चनपुरमा प्रदर्शन गरिएको छ। भारतका विभिन्‍न शहर र सीमावर्ती इलाकामा रहेका नेपालीको उद्धारको माग गर्दै महाकाली नगरपालिकाका महिलाले प्रदर्शन गरेका हुन्।</p>
<p>आज बिहान महाकाली नगरपालिका-९ कालिकाबजारमा प्रदर्शन गर्नेहरू भारतमा अलपत्र रहेका नेपालीका आफन्तजन पनि हुन्।</p>
<p>प्रदर्शनका क्रममा उनीहरूले टायरसमेत बालेका थिए। झण्डै १५ हजार नेपाली भारतका विभिन्‍न क्षेत्रमा अलपत्र परेको उनीहरूले बताए।</p>
<p>संघीय सरकारले अनुमति नदिएका कारण उनीहरूलाई स्वदेश फर्काउन नसकिएको महाकाली नगरपालिकाका प्रमुख वीरबहादुर सुनारले बताए।</p>
<p>“संघीय सरकारलाई दुईपटक पत्र लेखिसक्यौं, तर नेपाल ल्याउन अनुमति पाएका छैनौं,” उनले भने, “केन्द्रको स्वीकृति नभएसम्म हामीले मात्र केही गर्न सक्दैनौं।”</p>
<p>उनीहरूलाई नेपाल ल्याउने अनुमति पाएमा नगरपालिकाले क्वारेन्टाइनमा राख्‍नेलगायत व्यवस्थापन गर्ने उनले बताए।</p>
<p>नगरवासीले कुरै नबुझी नगरपालिकाविरुद्ध आन्दोलन गरिरहेको बताउँदै सुनारले संघीय सरकारले अनुमति दिएमा नगरपालिका उद्धारका लागि तयार रहेको बताए।</p>
<p><iframe frameborder="0" height="550" scrolling="no" src="https://www.youtube.com/embed/-GQlC8nMivE" width="750"></iframe></p>
प्रतिक्रिया दिनुहोस्
.jpg)
