‘लभ डायरिज’ पुनः प्रदर्शनमा
<p>काठमाडौं । २ फागुनमा रिलिज भएको चलचित्र ‘लभ डायरिज’ पुनः प्रदर्शनमा आएको छ।</p>
<p>बक्स अफिसमा कमजोर बनेको यो चलचित्र पुनः प्रदर्शनमा आएको हो।</p>
<p>आफ्नो लगानीसमेत सुरक्षित गर्न नसकेको ‘लभ डायरिज’ कमलपोखरीमा रहेको जय नेपाल हलबाट पुनः प्रदर्शन शुरू भएको हो। </p>
<p>प्रदर्शनका समयमा अन्य चलचित्रको चेपुवामा परेका कारण अहिले पुनः प्रदर्शनमा ल्याइको चलचित्रका वितरक करण श्रेष्ठले जानकारी दिए।</p>
<p>“लभ डायरिज चलेको अर्को साता नै ‘आमा’ र ‘सेन्टीभइरस’ प्रदर्शनमा आए। हाम्रो चलचित्रले राम्रोसँग रिलिज समय पाएन्। त्यसैले अहिले रिलिज गरेका हौँ। जय नेपालमा १२ बजेको शो छुट्याइएको छ।” उनले <em>देखापढी</em>सँग भने।</p>
<p>तत्काललाई जय नेपाल हलबाट मात्र प्रदर्शन गरिए पनि ७ चैतदेखि अन्य हलहरूमा पनि प्रदर्शनमा ल्याउने तयारी भइरहेको श्रेष्ठले बताए।</p>
<p>कोरोना भाइरसको संक्रमण त्रासका कारण अहिले हलमा चलचित्र छैनन् । त्यहीँ मौकामा लभ डायरिजले पुनः रिलिजको मौका पाएको हो।</p>
<p>सौरभ चौधरीको निर्देशनमा बनेको यो चलचित्रमा सुशिल श्रेष्ठ, रुविना थापा, विश्व रिमाललगायतको अभिनय छ।</p>
प्रतिक्रिया दिनुहोस्
.jpg)
