विश्व सुन्दरीलाई पर्यटनमन्त्रीको आग्रह- ‘मिस वर्ल्ड नेपालमा गर्नूस्, सहयोग गर्न तयार छौँ’
<p>काठमाडौं। विश्व सुन्दरी टोनी एन सिंह तीन दिने भ्रमणको क्रममा हिजो, २२ फागुनदेखि नेपालमा छिन्।</p>
<p>उनीसँगै मिस वर्ल्ड आयोजक संस्थाकी अध्यक्ष जुलिया मोर्ले र निर्देशक स्भि डग्ल पनि नेपाल आएका छन्।</p>
<p>उनीहरूले हिजै संस्कृति पर्यटन तथा नागरिक उड्डयनमन्त्री योगेश भट्टराईसँग भेट गरे।</p>
<p>भेटका क्रममा मन्त्री भट्टराईले मिस वर्ल्ड नेपालमा आयोजना गर्न आग्रह गरेका छन्।</p>
<p>मिस वर्ल्ड-२०२० नेपालमा सम्भव भए नभएको विषयमा कुराकानी भएको मन्त्रीका प्रेस सल्लाहकार प्रेम गुरागाईले जानकारी दिए।</p>
<p>नेपालमा आयोजना गर्दा सरकार समन्यव गर्न तयार रहेको भन्दै भट्टराईले उपयुक्त प्रस्ताव ल्याउन आग्रह गरेका छन्। </p>
<p>मिस वर्ल्ड नेपालमा गर्न सम्भव छ छैन भन्ने बुझ्न आयोजक संस्थाकी अध्यक्ष मोर्ली आफैँ आएकी हुन्।</p>
<p>छलफलकै चरणमा रहेकाले अहिले नै यो विषयमा टुंगोमा पुग्न नसकिन मिस नेपाल आयोजक संस्था हिडन टिजरका निर्देशक दिवाकर राजकर्णिकारले बताए।</p>
प्रतिक्रिया दिनुहोस्
.jpg)
