शाम्दे शेर्पा स्मृति पुरस्कार तीन जनालाई
<p>काठमाडौं। यस वर्षको शाम्दे शेर्पा स्मृति राष्ट्रिय पुरस्कार हास्य कलाकार ध्रुबरत्न हाडालाई प्रदान गरिएको छ।</p>
<p>हिमालय शेर्पा साँस्कृतिक केन्द्रले स्थापना गरेको पुरस्कार हाडालाई प्रदान गरिएको हो। </p>
<p>हिमालयन शेर्पा साँस्कृतिक केन्द्रले चुच्चेपाटीस्थित हायत चौरमा आयोजना गरेको गुथुक साँझमा ३१ हजार नगद, प्रमाणपत्र तथा ट्रफी प्रदान गरिएको हो। </p>
<p>हास्य कलाकार स्वर्गीय शाम्दे शेर्पाको सम्मानमा पाँच वर्षअघि पुरस्कार स्थापना भएको थियो।</p>
<p>यसअघि यस पुरस्कारबाट मह जोडी, मनोज गजुरेल, पासाङ टि शेर्पा, बसुन्धरा भुसाल, हास्य कलाकार सन्तोष पन्त सम्मानित भइसकेका छन्। </p>
<p>यस्तै, कलाकार तथा निर्देशक दीपाश्री निरौलालाई शाम्दे शेर्पा नवप्रतिभा पुरस्कार प्रदान गरिएको छ। शाम्दे शेर्पा स्मृति वक्तृत्वकला प्रतियोगितामो पुरस्कार एपी शेर्पाले जितेका छन्। </p>
<p>हास्यकलाकार शाम्दे शेर्पाको नाममा स्थापना गरिएको कोषबाट कलाकारितामार्फत् समाजमा विशिष्ट योगदान पुर्‍याउने व्यक्तिलाई हरेक वर्ष सम्मान गर्ने गरिएको छ। </p>
<p>बौद्ध धर्मावलम्बीहरूको नयाँ वर्ष तथा राष्ट्रिय महान पर्व ‘च्याक फो च्यिवा लो’ २१४७ औं ग्याल्पो लोसार ‘लोसार गुथुक साँझ’ को अवसरमा पुरस्कार प्रदान गरिएको हो। </p>
प्रतिक्रिया दिनुहोस्
.jpg)
