हलमा एक्लो नेपाली फिल्म ‘दी कर्मा’
<p>काठमाडौं। आजदेखि नेपाली चलचित्र ‘दी कर्मा’ प्रदर्शनमा आएको छ। नेपाली फिल्मले विरलै पाउने सोलो रिलिजको अवसर ‘दी कर्मा’ ले पाएको छ। </p>
<p>देवकुमार श्रेष्ठको निर्देशनमा बनेको चलचित्र ‘दी कर्मा’ एक्सन लभस्टोरी जनरामा निर्माण गरिएको छ। चलचित्रमा भारतीय अभिनेता करण वर्मा, परमिता आरएल राणा, नीता ढुंगाना, बुद्धी तामाङको मुख्य भूमिका छ। </p>
<p>अभिनेत्री परमिताले पहिलोपटक नकारात्मक भूमिका निर्वाह गरेकी छन्। फिल्ममा उनी एक गाउँको मुखियाको भूमिकामा छिन्। सीमा क्षेत्रमा हुने आपराधिक क्रियाकलापमा आधारित भएर फिल्म निर्माण भएको हो। </p>
<p>२४ असोजमा प्रदर्शनमा आएको चलचित्र ‘छ माया छपक्कै’पछि सुस्ताएको नेपाली फिल्मको व्यापारलाई यो फिल्मले चलायमान बनाउने अपेक्षा गरिएको छ। </p>
<p>सुशील पोखरेलको पटकथा तथा संवाद रहेको फिल्ममा जयराज रायसँगै श्रीदेव बिएल र निशा खतिवडा निर्माताको रूपमा रहेका छन्। <br />
</p>
प्रतिक्रिया दिनुहोस्
.jpg)
