प्रियंका भन्छिन्- ‘यो वर्ष मेरो बिहे हुँदैन’
<p>काठमाडौं। अभिनेत्री प्रियंका कार्की र अभिनेता आयुष्मान देशराज जोशीबीच इंगेजमेन्ट भएको डेढ वर्ष पुग्यो। इंगेजमेन्ट गर्ने बेला चाँडै नै विवाह गर्ने कुरा उनीहरूले बाहिर ल्याएका पनि थिए। तर, त्यो साइत अझैं जुरेको छैन। </p>
<p>उनीहरूलाई शुभचिन्तकले बेलाबेला सोध्ने पनि गर्छन्, ‘विवाह कहिले गर्ने ?’ यसमा उनीहरू दुवैको जवाफ हुन्छ, ‘अहिले बेला भएको छैन।’</p>
<p>अहिले मंसीरको महीना छ। यो विहेको सिजन हुने महीना पनि हो। यही मंसीरको मौकामा अभिनेत्री ऋचा शर्माले घरजम बसाइसकेकी छन्। यतिबेला ऋचा विवाह सप्ताहमा छिन्। </p>
<p>२१ मंसीरमा लबिम मलका म्यानेजर दिपेक्षविक्रम रानासँग विवाह गरेकी ऋचा यतिबेला भोजभतेरमा व्यस्त छिन्। त्यही दौरान उनले २६ मंसीरमा चलचित्रकर्मीलाई छुट्टै पार्टी दिइन्। उनको पार्टीमा प्रियंका कार्की पनि सहभागी थिइन्।</p>
<p>ऋचाको भोजमा पुगेकी प्रिंयकालाई सञ्चारकर्मीहरूले सोधिहाले, “तपाइँले कहिले विवाह गर्ने ?” </p>
<p>प्रियंकाले छोटो उत्तर दिइन्, “मेरो पनि चाँडै नै हुन्छ ।”</p>
<p>तर, उनले अहिले नै हुन्छ भनेर भन्न सकिने अवस्था नरहेको बताइन्। “म अहिले नै कहिले हुन्छ भनेर भन्न सक्दिनँ। तर, यो बर्ष हुँदैन”, उनले भनिन्।</p>
<p>आफन्तहरू विदेशमा रहेकाले यो वर्ष बिहे नहुने उनको तर्क थियो । उनले भनिन्, “विदेशमा बसेका आफन्तहरू कहिले नेपाल फर्किनुहुन्छ, सबैको साइत मिलेपछि बिहे गर्छु।”</p>
प्रतिक्रिया दिनुहोस्
.jpg)
