ऋचा विवाहपछि चलचित्र क्षेत्रबाट ब्याक हुन्छिन् त ?
<p>काठमाडौं । नायिका ऋचा शर्माले दुई वर्षको प्रेम सम्बन्धलाई ११ मंसीरमा बैवाहिक बन्धनमा परिणत गरिन्। </p>
<p>उनले लाविम मलका म्यानेजर दिपेक्षविक्रम रानासँग लगन गाँठो कसेकी छन्।</p>
<p>ऋचाको जोडीले २६ मंसीरमा चलचित्रकर्मीका लागि विवाहको पार्टी दिए। </p>
<p>विवाह पार्टीमा आएको पत्रकारले विवाहपछि अरुलाई झै गरेर सोधिने प्रश्न ऋचालाई पनि सोधे। </p>
<p>‘ऋचाले चलचित्र क्षेत्रमा नै काम गरुन् भन्ने चाहनुहुन्छ ?’ भन्ने मिडियाकर्मीको प्रश्नमा दिपेक्षले उनको कामको सम्मान गर्ने प्रतिक्रिया दिए। </p>
<p>यो करिअर बनाउन निकै लामो समय मिहेनत गरेको स्मरण गर्दै दिपेक्षले भने, “हामीले यो करिअर बनाउनका लागि लामो समयको मिहिनेत गरेका छौँ। म उनको कामलाई सम्मान गर्छु। यसमा कुनै पनि रोकतोक छैन । कामले निरन्तरता पाउनेछ ।”</p>
<p>अभिनेत्री ऋचाले पनि दिपेक्षको काममा आफूले बाधा नपुर्‍याउने प्रतिक्रिया दिइन्।</p>
<p>एक अर्काको कामलाई सम्मान गर्दै सक्दो सहयोग गरेर अघि बढ्ने दुवैले प्रतिबद्धता जनाएका छन्। </p>
<p>“यो यात्रा अब सधैँका लागि अगाडि बढाउन मैले दिपेक्षको हात समातेको छु। यो जुनी अब म उनकै हुँ।” ऋचाले भनिन्। </p>
<p>ऋचाले आफूलाई दिपेक्षको घर भित्रिँदा मात्र बुहारी भएर गएको महशुस गरेको बताइन्। </p>
<p>“दिपेक्षको घर भित्रिदा, उहाँको ममी ड्याडीले स्वागत गर्दा मात्र मलाई विहे गरेको महशुस भयो”, उनले भनिन्। </p>
<p>ऋचाले आफूलाई भाग्यमानी सम्झिदैँ आफ्नो काम र पेशालाई दिपेक्षले बुझिदिएको बताएकी छन्। <br />
</p>
प्रतिक्रिया दिनुहोस्
.jpg)
