‘दबंग ३’ले रिलिज नहुँदै कमायो १५५ करोड
<p>एजेन्सी। बलिउड चलचित्र ‘दबंग ३’ ले रिलिजअघि नै १५५ करोड भारतीय रूपैयाँ कमाइ गरेको छ।</p>
<p>सलमान खान अभिनित यो चलचित्रको ‘अमेजन प्राइम’लाई अनलाइन स्ट्रिमिङ, ‘टी सिरिज’ लाई म्युजिक तथा ‘जी’ समूहलाई स्याटेलाइट्स राइट्स बिक्री गरिएको छ।</p>
<p>‘दबंग ३’ को डिजिटल राइट्स ‘ओटीटी प्लेटफर्म अमेजन प्राइम भिडियो’ मा ६० करोडमा बिक्री भएको छ। त्यस्तै स्याटेलाइट राइट्स ८० करोडमा बिक्री भएको भारतीय सञ्चारमाध्यमहरूले जनाएका छन्।</p>
<p>त्यसैगरी टी–सिरिजले १५ करोडमा चलचित्रको म्युजिक राइट्स खरिद गरेको छ। यही २० डिसेम्बरमा रिलिज हुने चलचित्रमा सलमान खानसँगै साइ माजरेकर, किच्चा सुदीप, सोनाक्षी सिन्हा मुख्य भूमिकामा छन्।</p>
<p>प्रभुदेवाद्वारा निर्देशित ‘दबंग ३’ सलमान खान, अरबाज खान र निखिल द्विवेदीले निर्माण गरेका हुन्।</p>
<p> </p>
प्रतिक्रिया दिनुहोस्
.jpg)
