नयाँ चलचित्र बनाउने ऋचा शर्माको घोषणा
<p>काठमाडौं। नायिका ऋचा शर्माले नयाँ वर्ष २०२१ को अवसर पारेर नयाँ चलचित्रको घोषणा गरेकी छिन्। उनले चलचित्र ‘कौसीद’ बनाउन लागेकी हुन्। </p>
<p>केदार भुसाल निर्माता रहेको उक्त चलचित्रको निर्देशन कुमार भाष्करले गर्नेछन्। </p>
<p>चलचित्रमा ऋचा र भोलाराज सापकोटाको मूख्य भूमिका रहनेछ। घर निर्माणका लागि बैंकबाट ऋण लिँदा के कस्तो समस्या भोग्नुपर्छ भन्ने विषयलाई चलचित्रमा समेटिन लागेको उनको भनाइ छ।<br />
<br />
नयाँ जोास र पूर्ण उत्साहका साथ नयाँ कामतिर लक्षित भएर चलचित्र निर्माणमा लागेको उनको भनाइ छ। माघ १ गतेबाट चलचित्र छायांकनमा जानेछ। काठमाडौं वरपर नै छायांकन गरिने उक्त चलचित्र २० दिनमा छायांकन पूरा हुने ऋचाको भनाइ छ।<br />
<br />
सामाजिक विषयमा बन्न लागेको यो चलचित्र समाजमा विद्यमान समस्यालाई उठान गरेको उनले बताएकी छिन्। </p>
<p>“बैंकबाट ऋण निकालेर घर बनाउनेहरूले निकै सास्ती खेप्नुपर्छ। त्यसको ब्याज र साँवा तिर्दा-तिर्दै तनावमा परिन्छ। त्यही विषयलाई चलचित्रमा समेटेका छौं,” उनले भनिन्।</p>
<p>नयाँ चलचित्रका लागि आफू निकै उत्साहित बनेको ऋचा बताउँछिन्। “नयाँ वर्षसँगै एक सामाजिक विषयवस्तुमा बन्न लागेको चलचित्र बनाउन पाउँदा निकै खुसी छु,” उनले भनिन्।</p>
प्रतिक्रिया दिनुहोस्
.jpg)
