जेसीले फ्यानहरूलाई धन्यवाद दिँदै भनिन्- म सबैभन्दा भाग्यमानी
<p>काठमाडाैं। यसै साता बेलायती महिला सांगीतिक समूह ‘लिटिल मिक्स’ बाट अलग भएको घोषणा गरेकी जेसी निल्सनले आफ्ना फ्यानहरूलाई धन्यावाद दिएकी छन्। </p>
<p>“तपाईंहरूले जुन माया मलाई दिनुभयो र केही दिन यता जुन साथ दिइरहनु भएको छ त्यसको लागि तपाईंहरू सबैलाई धन्यवाद दिन चाहन्छु,” २९ वर्षे गायिका जेसीले इन्स्टाग्राममा लेखेकी छन्। </p>
<p>जेसीले यसै साताको सुरूमा आफू मानसिक स्वास्थ्यमा केन्द्रित हुने जनाउँदै गायन समूहबाट अलग हुने घोषणा गरेकी थिइन्।</p>
<p>‘लिटिल मिक्स’ सन् २०११ मा स्थापना गरिएको बेलायती महिला गायन समूह हो। जेसी समूहमा स्थापना कालदेखि नै रहेकी थिइन्। <br />
समूह छोडेपछि प्राप्त गरेका केही सन्देशहरूले आपूलाई भावूक बनाएको समेत उनले जनाएकी छन्। </p>
<p>“तपाईंहरूको भावनालाई म समर्थन गर्छु,” उनले भनेकी छन्, “सबैलाई मेरो माया छ।”</p>
<p>‘लिटिल मिक्स’ का अन्य तीन सदस्यले जेसी निर्णयलाई दुःखद बताएका छन्। तर, उनीहरू एकअर्काको साथमा सधैँ रहिरहने समेत जनाएका छन्। <em>सीएनएन</em></p>
प्रतिक्रिया दिनुहोस्
.jpg)
