बलिउडको सबैभन्दा बदनाम झगडा अब क्राइम ब्रान्चले हेर्ने
<p>काठमाडौं। बलिउड अभिनेता ऋतिक रोशन र अभिनेत्री कंगना रनौतबीचको चार वर्ष पुरानो मुद्दा अब मुम्बई क्राइम ब्रान्चले हेर्ने भएको छ।</p>
<p>साइबर सेलबाट अब उक्त मुद्दा क्राइम ब्रान्चमा पुगेको हो। अब क्राइम ब्रान्चको इन्टेलिजेन्स युनिटले मुद्दाको थप अनुसन्धान गर्नेछ।</p>
<p>२०१६ मा ऋतिकले कंगनाविरुद्ध उजुरी दिएका थिए। त्यो समय कंगनाको जिमेल अकाउण्टबाट १०० भन्दा बढी मेल ऋतिकलाई पठाइएको थियो।</p>
<p>सन् २०१३ देखि २०१४ सम्ममा ऋतिकलाई १०० भन्दा बढी मेल पठाइएको थियो। त्यसपछि ऋतिकले मेल पठाइएको विषयमा मुद्दा दायर गर्दै अनुसन्धानको माग गरेका थिए।</p>
<p>अहिलेसम्म कुनै सुनुवाइ नभएको भन्दै सिनियर वकिल महेश जेठमलानीले मुम्बई कमिश्नरलाई एक पत्र लेखेका थिए। जसमा उनले उक्त मुद्दामा थप अनुसन्धान गर्न माग गरेका थिए। </p>
<p>ती मेलबाट आफूमाथि दुर्व्यवहार भएको ऋतिकको आरोप थियो। छानबिनका लागि ऋतिकले आफ्नो ल्यापटप, मोबाइफोनलगायतका इलेक्ट्रिक उपकरण प्रहरीलाई दिएका थिए। जुन अहिलेसम्म फिर्ता नभएको उनले बताएका छन्।</p>
<p><strong>बलिउमा सबैभन्दा बदनाम झगडा</strong></p>
<p>२०१६ देखि चलिरहेको कंगना र ऋतिकको झगडालाई बलिउडको सबैभन्दा बदनाम झगडा मानिन्छ। उनीहरूले एक अर्कालाई नोटिस पठाएका थिए।</p>
<p>ऋतिकले कंगनालाई नोटिस पठाएका थिए। कंगनाले एक अन्तर्वार्तामा ऋतिकलाई सिल्ली एक्स भनेपछि उनले नोटिस पठाएका हुन्।</p>
<p>कंगनाले ऋतिकलाई थुप्रै नोटिस पठाएका थिइन्। जसमा उनले तथानाम गाली गर्नुका साथै विभिन्न आरोप समेत लगाएकी थिइन्।</p>
<p>त्यो समयमा ऋतिक रिलेशनसिपमा थिए। कंगना र ऋतिकले एकसाथ मिलेर दुई चलचित्रमा काम गरेका थिए।</p>
<p>२०१० मा काइट्स र २०१३ मा क्रिस ३ मा दुवैजनाले काम गरेका थिए। त्यही बेला दुवैजनाबीच अफेयर चलेको खबर बाहिरिएको थियो।</p>
<p>दुवैजनाबीचको विवादपछि जावेद अख्तरले कंगनालाई आफ्नो घर बोलाएका थिए। दुवैजनाबीचको विवाद साम्य पार्नका लागि भन्दै उनले आफ्नो घर बोलाएर ऋतिकसँग माफी माग्न भनेका थिए।</p>
<p>ऋतिकसँग माफी नमागेको खण्डमा कंगनाले आत्महत्या गर्नुपर्ने चेतावनीसमेत दिएका थिए। जुन कुरा कंगनाले एक अन्तर्वार्ताको क्रममा भनेकी थिइन्।</p>
<p>कंगनाले जावेद तथा महेश भट्ट लगायतका चलचित्रकर्मीलाई सुसाइड ग्याङ बनाउँदै आएकी छन्। उनीहरूकै कारण धेरैले आत्महत्या गरेको भन्दै उनले यस्तो आरोप लगाएकी हुन्।</p>
प्रतिक्रिया दिनुहोस्
.jpg)
