ग्याङ्स्टार फिल्म ‘अन्तिम’मा सलमान खानको शिख ‘लुक्स’
<p>एजेन्सी। बलिउड सुपरस्टार सलमान खानले फिल्म ‘राधे-योर मस्ट वान्टेड भाई’को सुटिङ हालै सम्पन्न गरेका छन्। लगत्तै उनी अर्को फिल्मको सुटिङमा व्यस्त भएका छन्। </p>
<p>उनी हाल सुटिङमा व्यस्त भएको फिल्म हो- ‘अन्तिम’। आयुष शर्माको ग्याङ्स्टार फिल्म ‘अन्तिम’मा सलमान शिख पुलिस अफिसरको भूमिकामा देखिदैछन्, जसको पहिलो लुक्स सार्वजनिक गरिएको छ।</p>
<p>‘अन्तिम’को निर्देशन महेश मान्जरेकरले गरेका छन्। फिल्मको सुटिङ डिसेम्बर ६ बाट मुम्बई फिल्मसिटीमा सुरु भएको छ। </p>
<p>आयुष शर्माले फिल्ममा सलमानको सिख पुलिस लुक्स सामाजिक सञ्जालमा सेयर गरेका छन्। तस्वीरमा सलमान दाढीमा देखिएका छन्। उनले टाउकोमा पगडी लगाएका छन्। ‘अन्तिम’को लागि सलमानले आफ्नो केही वजन बढाएका छन्। </p>
<p>फिल्ममा आयुष शर्माले एक युवा ग्याङ्स्टारको भूमिका निर्वाह गरेका छन्। <br />
</p>
प्रतिक्रिया दिनुहोस्
.jpg)
