प्रभास र सैफ अलीको ‘आदिपुरूष’ मा सीता बन्दै कृति सानोन
<p>एजेन्सी। प्रभास र सैफ अली खानको अभिनय रहने मेगा बजेटको फिल्म ‘आदिपुरूष’ सुरुदेखि नै कथाका कारण चर्चामा छ। </p>
<p>असत्य माथि सत्यको जीतमा आधारित फिल्म आदिपुरूषमा प्रभास भगवान रामको भूमिकामा देखिंदै छन्। सोही फिल्ममा सैफ अली खान भने लंकाका राजा रावणको भूमिकामा छन्। </p>
<p>आदिपुरूषका निर्माता पछिल्लो समय सीताको खोजीमा थिए। अब यो खोजीको अन्त भएको छ। सीता भेटिएकी छन्। सीतामा रुपमा निर्माताले नायिका कृति सानोन रोजेका छन्। </p>
<p>खबरअनुसार निर्माताले आभासको जोडीको रुपमा सीताको भूमिकामा कृति सानोनलाई अनुबन्ध गरिसकेका छन्। सीताको लागि धेरै नायिकाको नाम लिइएको भए पनि अन्तमा कृतिलाई छनोट गरिएको हो।</p>
<p>पहिला सीताको भूमिकामा अनुष्का शेट्टी, अनुष्का शर्मा, कियारा आडबाणी र कीर्ति सुरेशको नाम लिइएको थियो। तर अन्तमा बाजी मारेकी छन् कृतिले। </p>
<p>यो फिल्म अहिले प्री-प्रोडक्शनको चरणमा छ। सन् २०२१ को जनवरीबाट छायांकन सुरु हुने जनाइएको छ। फिल्मलाई हिन्दीको साथै तेलुगु, तमिल, मलयालम र कन्नड भाषामा पनि रिलिज गरिनेछ। ओम राउतले निर्देशन गर्ने यो फिल्म थ्रिडीमा पनि तयार हुनेछ। फिल्म सन् २०२२ अगष्ट ११ का दिन रिलिज गरिनेछ। <br />
</p>
प्रतिक्रिया दिनुहोस्
.jpg)
