सलमानको ‘दबंग–३’माथि प्रतिबन्ध लगाउन माग
<p>काठमाडौं। बलिउड सुपरस्टार सलमान खानको चलचित्र ‘दबंग–३’ माथि प्रतिबन्ध लगाउन माग गरिएको छ।</p>
<p>हिन्दू जनजागृति समितिले चलचित्रको शीर्ष गीत ‘हुड हुड दबंग’प्रति आपत्ति जनाउँदै प्रतिबन्ध लगाउन माग गरेको हो।</p>
<p>यो गीतमा ऋषिहरूले सलमानसँग आपत्तिजनक तरिकाले नाचेको दृश्य रहेको भन्दै समितिले चलचित्रलाई प्रतिबन्ध लगाउन माग गरेको हो।</p>
<p>समितिले एक पत्र लेख्दै यो गीतले हिन्दू समुदायको धार्मिक भावनामाथि प्रहार गरेको दाबी गरेको छ।</p>
<p>यो गीतले ऋषिमुनिको छविलाई खराब गरेको दाबी गरिएको छ।</p>
<p>यो गीतमा भगवान शिव, विष्णु र ब्रम्हाको रूपमा पेश गरिएका तीन व्यक्तिसँग आशीर्वाद लिएको पनि देखाइएको छ।</p>
<p>यस्तो दृश्यप्रति केही धार्मिक संस्थाले पनि आपत्ति जनाएका छन्।</p>
<p>यो विषयमा निर्माण पक्ष तथा सलमान खानले कुनै प्रतिक्रिया जनाएका छैनन्।</p>
<p>२० डिसेम्बरदेखि प्रदर्शनमा आउने लागेको यो चलचित्रमा प्रभुदेवाको निर्देशन छ।</p>
<p>चलचित्रमा सलमानसँगै सोनाक्षी सिन्हा, सई मन्जरेकर र किच्चा सुदिपलगायत कलाकारको अभिनय छ।</p>
<p> </p>
प्रतिक्रिया दिनुहोस्
.jpg)
