करण जोहरको प्रष्टोक्ति- 'न ड्रग्स लिन्छु, न यसको प्रचार गर्छु'
<p> एजेन्सी। बलिउडमा यतिबेला लागुऔषध (ड्रग्स) को विषय चर्चाको शिखरमा छ।</p>
<p>रिया चक्रवर्ती, दीपिका पादूकोणदेखि लिएर सारा अलि खानसमेत यो प्ररकणमा मुछिएका छन्। उनीहरूविरुद्ध नारकोटिक्स कन्ट्रोल ब्यूरोले अनुसन्धान पनि गरिरहेको छ।</p>
<p>यहि प्रकरणमा बलिउडका ठूल्ठूला हस्तिहरूको समेत नाम सार्वजनिक भइरहेको छ। आफ्नो नाम समेत जोडिएपछि बलिउड निर्देशक करन जोहरले यसबारे प्रष्टोक्ति दिएका छन्।</p>
<p>उनले ट्वीटरमार्फत विज्ञप्ती जारी गर्दै भनेका छन्, "न म कहिले लागुऔषध प्रयोग गर्छु। न त म यसको प्रचार नै गर्छु। मेरो र मेरो परिवार तथा धर्मा प्रोडक्शनका बारेमा जुन कुरा बाहिर आइरहेको छ। त्यो बकवास हो। यसमा कुनै सत्यता छैन्।"</p>
<p>तर, ब्यूरोले करनको प्रोडक्सन हाउस धर्मा प्रोडक्सनसँग जोडिएका प्रोड्यूसर क्षितिज रवि प्रसादलाई हिरासतमा लिएर अनुसन्धान गरिरहेको छ।</p>
<p>क्षितिजको घरमा ब्यूरोले छापा मारेको थियो। उनको घरमा थोरै मात्रामा लागुऔषध भेटिएको बताइएको छ।</p>
<p>करनले आफ्नो घरमा आयोजना गर्ने पार्टीमा समेत लागुऔषध प्रयोग गरेका कुराहरू बाहिरिएका छन्। तर, यसैबीच उनले आफ्नोबारे गलत सूचना सम्प्रेशण नगरिदिन मिडियाकर्मीलाई समेत आग्रह गरेका छन्।</p>
<p>सन् २०१९ मा पनि उनीमाथि लागुऔषध प्रयोग गरेर घरमा पार्टी गरेको आरोप लागेको थियो।</p>
प्रतिक्रिया दिनुहोस्
.jpg)
