सुशान्तसिंह राजपूत आत्महत्या प्रकरणमा रिया चक्रवर्ती पनि पक्राउ
<p>एजेन्सी। बलिउड अभिनेता सुशान्तसिंह राजपूत आत्महत्या प्रकरणमा मुछिएकी उनकी प्रेमिका रिया चक्रवर्ती अन्तत: पक्राउ परेकी छन्।</p>
<p>लागू औषत प्रकरणमा नारकोटिक्स कन्ट्रोल ब्यूरो (एनसीबी) ले उनलाई पक्राउ गरेको हो।</p>
<p>यसअघि उनीसँग तीन पटकसम्म सोधपुछ गरेको थियो। सोधपुछका क्रममा उनले आफू पनि ड्रग्स प्रयोग गर्दै आएको बयान दिएकी थिइन्। सोही बयानका आधारमा उनलाई पक्राउ गरेको हो। पक्राउ परेकी रियाको कोभिड-१९ परीक्षण गरिनेछ।</p>
<p>एनसीबीले ड्रग्स प्रयोग गर्ने २५ बलिउडकर्मीको लिस्ट तयार पारेको छ। यसअघि उनका भाई शौविकलाई पनि एनसीबीले पक्राउ गरेको थियो।</p>
<p>उनले रियालाई ड्रग्स किनेर दिने गरेको बयान दिएका थिए। सोही आधारमा एनसीबीले रियामाथि अनुसन्धान थालेको थियो। त्यस्तै सुशान्तका पूर्व सहयोगसहित ७ जनालाई समेत पक्राउ गरेको छ।</p>
<p>सुशान्तले १४ जुनमा आत्महत्या गरेको थिए। उनको आत्महत्याको कारण ड्रग्स प्रयोग गर्नु रहेको भन्दै एनसीबीले छानबिन थालेको हो।</p>
प्रतिक्रिया दिनुहोस्
.jpg)
