हृदयघातपछि बाथरुममै लडेका थिए अभिनेता जयप्रकाश
<p>एजेन्सी। तेलुगु सिनेमाका चर्चित अभिनेता जय प्रकाश रेड्डीको ७४ वर्षको उमेरमा आज निधन भयो। आन्ध्र प्रदेशस्थित आफ्नै घरमा हृदयघातपछि उनको निधन भएको थियो।</p>
<p>बाथरूम गएका बेला उनलाई हृदयघात भएको थियो। परिवारका सदस्यहरूका अनुसार हृदयघातपछि उनी बाथरूममै लडेका थिए।</p>
<p>उनले आफ्नो करिअरको शुरूआती चरणमा शिक्षण पेशा अंगालेका थिए। शिक्षण पेशाबाटै उनी चलचित्र क्षेत्रमा प्रवेश गरेका थिए।</p>
<p>विद्यालयमै उनी अभिनय पनि गर्थे। त्यहीबाट उनी चलचित्र क्षेत्रमा प्रवेश गरे। त्यसपछि उनले 'ब्रह्मापुत्रूदू' बाट चलचित्रमा डेब्यू गरे।</p>
<p>उनले प्रेमिचुकुन्दाम रा, जयम मनदेरा, समरसिंह रेड्डी, चेन्नकेशवरेड्डी, छत्रपति, गब्बरसिंह, सीतय्या, नायक, रेसुगुर्रम, मनम, टेप्रलगायतका थुप्रै चलचित्रमा अभिनय गरेका थिए।</p>
प्रतिक्रिया दिनुहोस्
.jpg)
