बलिउड नायिका मलाइकालाई कोरोना संक्रमण
<p>एजेन्सी। बलिउड नायिका मलाइका अरोरालाई कोरोना संक्रमण भएको छ। यसअघि अभिनेता अर्जुक कपुरलाई कोरोना संक्रमण देखिएको थियो।</p>
<p>उनलाई कोरोना देखिएपछि मलाइकाले पनि परीक्षण गराएकी थिइन्। उनको रिपोर्ट पोजिटिभ आएको हो। </p>
<p>मलाइकाकी बहिनी अमृताले कोरोना संक्रमणको पुष्टि गरेकी छन्। मलाईकाको 'शो इण्डियाज बेस्ट डान्सर' को सेटमा काम गर्ने ७ जनामा कोरोना पोजिटिभ देखिएको थियो।</p>
<p>मलाइका लामो समयदेखि उक्त शो को छायांकन गर्दै आएकी छन्। सोसल मिडियामा समर्थकहरूले उनको शिघ्र स्वास्थ्य लाभको कामना गरिरहेका छन्।</p>
<p>बेला-बेला सोसल मिडियामा उनी चर्चामा आउने गरेकी छिन्। कहिले अर्जुनसँगको सम्बन्धका कारण त कहिले ड्रेसका कारण उनी चर्चामा आइरहन्छिन्।</p>
<p>'छैयाँ छैयाँ' गीतमा आइटम डान्स गरेर चर्चामा आएकी उनी पछिल्लो समय रियालिटी 'शो' मा व्यस्त छिन्। कोरोना पोजिटिभ देखिएका नायक अर्जुन होम आइसोलेसनमा बसिरहेका छन्।</p>
प्रतिक्रिया दिनुहोस्
.jpg)
