'प्रसाद २'मा पनि नम्रता र विपिन नै दोहोरिने
<p>काठमाडौं। व्यवसायी रूपमा सफल मानिएको चलचित्र 'प्रसाद' को सिक्वेल 'प्रसाद-२' बन्ने भएको छ। चलचित्रका निर्माता सुवास थापाले प्रसाद-२ बनाउने भएका हुन्।</p>
<p>सुशील पौडेलको पटकथा तथा सम्वाद रहने चलचित्रमा सौरभ चौधरीले निर्देशन गर्नेछन्। यसअघि प्रसादको भने दिनेश राउतले निर्देशन गरेका थिए। </p>
<p>प्रसादकै कलाकार विपिन कार्की र नम्रता श्रेष्ठ नै मुख्य भूमिमा हुनेछन्। उनीहरू दुवैजनासँग सम्झौता भइसकेको छ। अन्य कलाकार छनोट गर्न बाँकी रहेको यो चलचित्रका लागि स्क्रिप्ट लेखनको काम भने सकिएको छ। </p>
<p>कोरोना महामारीको अवस्था सामान्य भएपछि चलचित्रको छायांकन शुरू हुनेछ। चलचित्र वितरक करण श्रेष्ठले फेसबुकमार्फत चलचित्रबारे सामान्य जानकारी दिएका छन्।</p>
प्रतिक्रिया दिनुहोस्
.jpg)
