कोरोना महामारीबीच भेनिस फिल्म फेस्टिभल सुरू
<p>काठमाडौं। कोरोना महामारीकै बीच इटालीमा भेनिस फिल्म फेस्टिभल शुरू भएको छ। बुधबार राति कोरोना भाइरसका कारण मृत्यु भएकाहरूप्रति श्रद्धाञ्जली अर्पण गर्दै फिल्म फेस्टिभल उद्घाटन गरिएको हो।</p>
<p>कोरोना महामारी शुरू भएपछि यो पहिलो प्रमुख फिल्म फेस्टिभल हो। यद्यपि, महामारी नियन्त्रणका लागि जारी प्रतिबन्धका कारण अधिकांश अन्तर्राष्ट्रिय कलाकारहरू सहभागी हुन असमर्थ भएका छन्।</p>
<p>‘‘आजको रात यहाँ कुनै अचम्मको चमत्कार भएजस्तो देखिएको छ,’’ जूरी अध्यक्ष अस्ट्रेलियन अभिनेत्री केट ब्लान्शेटले भनिन्।</p>
<p>उनले चलचित्र निर्माताहरूको ‘असिम सिर्जनात्मकता र लचकता’ को प्रशंसासमेत गरिन्। उनले फेस्टिबलमा प्रदर्शन हुने चलचित्रहरूले कोरोना महामारीबाट प्रभावित फिल्म क्षेत्रलाई राहत पुग्ने अपेक्षा व्यक्त गरिन्।</p>
<p>बीबीसी</p>
प्रतिक्रिया दिनुहोस्
.jpg)
