'ब्ल्याक प्यान्थर' का अभिनेता चाडविक बोसम्यानको निधन
<p>एजेन्सी। हलिउड अभिनेता चाडविक बोसम्यानको निधन भएको छ। २०१८ मा प्रदर्शनमा आएको चर्चित चलचित्र 'ब्ल्याक प्यान्थर'का अभिनेता चाडविकको ४३ वर्षको उमेरमा निधन भएको हो।</p>
<p>चार वर्षदेखि पेटको क्यान्सरसँग जुधिरहेका उनको लस एन्जल्सस्थित निवासमै निधन भएको अन्तर्राष्ट्रिय सञ्चारमाध्यमले जनाएका छन्।</p>
<p>अन्तिम स्वास लिँदा उनकी श्रमिती तथा परिवारका सदस्य उनीसँगै घरमै थिए। उनको निधनपछि परिवारले एक प्रेस नोट जारी गरेका छन्।</p>
<p>साउथ क्यारोलिना राज्यमा जन्मिएका बोसम्यानले हावर्ड विश्वविद्यालयबाट स्नातक गरेका थिए। त्यसपछि चलचित्र यात्रामा प्रवेश गरेका उनी करियरको सुरूमा टेलिभिजनमा काम गर्थे।</p>
<p>सन् २०१३ मा रिलिज भएको अमेरिकी बास्केट बल खेलाडी ज्याकी रोबिन्सनको जीवनीमा आधारित '४२' सिनेमाबाट उनी निकै चर्चित बनेका थिए।</p>
<p><img alt="" src="/uploads/editor/2020-08-29/041303564chadwick booeman.jpg" /></p>
प्रतिक्रिया दिनुहोस्
.jpg)
