५६ वर्षका ब्राड पिट २७ वर्षीय जर्मन मोडलसँग फ्रान्समा भेटिए
<p>एजेन्सी। हलिउड स्टार ब्राड पिट आफूभन्दा आधा उमेर कमकी जर्मन मोडल निकोल पुटरस्कीसँग प्रान्समा भेटिएका छन्। पछिल्लो दिन ५६ वर्षीय ब्राडको रोमान्स २७ वर्षे निकोलसँग चलिरहेको अनुमान गरिएको छ।</p>
<p>निकोल ब्राडकी पूर्व श्रीमति एन्जेलिना जोली जस्तो देखिएको समेत जनाइएको छ। निकोललाई भेट्न ब्राड आफ्ना निजी जेट प्लेन चढेर दक्षिण फ्रान्स पुगेका हुन्।</p>
<p>ब्राड फ्रान्समा छट्यु मिराभलमा बसेको विश्वास गरिएको छ, जसलाई उनले सन् २०११ मा ६ करोड ७० लाख अमेरिकी डलरमा किनेका थिए। निकोल यसअघि नै विश्व चर्चित फेसन म्यागेजिनहरूमा कभर गर्लको रूपमा देखिइसकेकी छन्।</p>
<p>ब्राडले चार वर्ष अघि ४५ वर्षे एन्जेलिना जोलीसँग सम्बन्ध बिच्छेद गरेका थिए। सम्बन्ध बिच्छेदपछि गत मार्चसम्म ब्राडको नाम कसैसँग जोडिएको थिएन। उनले एन्जेलिनासँग १२ वर्ष देखिको प्रेम र २ वर्ष देखिको वैवाहिक सम्बन्ध तोडेका थिए। ब्राड र एन्जेलिनाका ६ सन्तान छन्। <br />
</p>
प्रतिक्रिया दिनुहोस्
.jpg)
