वैदेशिक रोजगारीका पीडा भिडिओमा
<p>हातको रुमाल मैलो भयो धोईदिने कोही छैन<br />
विरानो देशमा मै मरी गए रोईदिने कोही छैन<br />
मरि हालें भने पनि नेपालमै मर्न पाउँ<br />
आँखाभरि झल्किरहन्छ म जन्मेको गाउँ </p>
<p>धन कमाउने आशमा विदेशिएको एक युवाको विलौना हो यो। नेपालमा रोजगारी नपाएपछि साहुसँग ऋणधन गरेर एक युवा विदेश पुग्छ। वैदेशिक रोजगारमा उसले कस्ता दु:ख पाउँछ, त्यही विषयवस्तुलाई समेटेर पत्रकार अमरराज नहर्कीद्वारा रचित “बिरानो देश” को म्युजिक भिडिओ सार्वजनिक भएको छ।</p>
<p>विदेशमा बसेको छु म परेर अलमल<br />
निभेको छ मनको बत्ती झलमल<br />
कसको छ र परदेशमा आउनलाई मन <br />
रुदै रुदै आएको म कमाउनलाई धन</p>
<p>नेपाली समाजको बाध्यता बनेको वैदेशिक रोजगारी र युवाहरुको अवस्थाका बारेमा चित्रण गरेर गीत रचना गरिएको पत्रकार नहर्कीले जानकारी दिए।</p>
<p>“नेपाली समाजको बाध्यता बनेको वैदेशिक रोजगारीले रेमिट्यान्स त भित्र्याएको छ तर साथैमा हामीलाई कहिल्यै नमेटिने गहिरो चोटहरू पनि दिएको छ,” नेपाल प्रेस युनियन तनहुँका अध्यक्ष एवं गोरखापत्र दैनिकका संवाददता नहर्कीले भने, “यस्तै सपनाहरू र चोटहरू मिसिएको कथालाई म्यूजिक भिडिओमार्फत् सार्वजनिक गरेका छौ।” </p>
<p>पत्रकार समुन्द्र पौडेलको निर्देशन रहेको गीतमा गायक नवराज थापाले आवाज दिएका छन्। भिडियोमा सुदीप पौडेल र पूजा केसीको अभिनय रहेको छ।</p>
<p>रासस</p>
प्रतिक्रिया दिनुहोस्
.jpg)
