अमेरिकामा अश्वेतले भोग्नुपरेको समस्यामा जे-जेड् र फरेल विलियम्सले बनाएको गीत सार्वजनिक
<p>एजेन्सी। र्‍यापर जे-जेड र फरेल विलियम्सको गीत ‘इन्टरप्रेनर’ आज युट्युवमा सार्वजनिक भएको छ। अमेरिकामा अश्वेत नागरिकले भोग्न परेको समस्यालाई गीत मार्फत उनीहरूले अभिव्यक्त गरेका छन्।</p>
<p>यो गीतलाई गायक विलियम्सले आफ्नो ‘द न्यू अमेरिकन रिभोलुसन’को रुपमा व्याख्या गरेका छन्। अमेरिकन दमनकारी नीति र समान भविष्यको सम्भावनाका बारेमा गीतमा केही भन्न खोजिएको छ।</p>
<p>गीतमा र्‍याप जे-जेड्ले गरेका छन्। उनले बारम्बार भनेका छन्, “ब्ल्याक ट्वीटर, ह्वाट्स द्याट?” </p>
<p>“गीतको भन्न खोजिएको खास कुरा यो हो- हाम्रो देशको उद्यमी हुने कार्य शुरु गर्न कति गाह्रो छ,” विलियम्सले भने, “विशेष गरी रङ्गको आधारमा यहाँ धेरै प्रणालीगत बेफाइदाहरु र उदेश्यपूर्ण अवरोधहरु छन्। जब तपाईँ स्वास्थ्य, शिक्षा र प्रतिनिधित्वको दृष्टिले ठगिएको महशुष गर्नुहुन्छ भने कसरी भयानक शुरुवात गर्न सक्नुहुन्छ?” </p>
<p>विलियम्सले थपे, “गीतले यो कुरा भन्ने कोशिष गरिरहेको छ कि जब हामी एकसाथ बस्छौं, एकअर्कासँग राम्रो व्यववहार गर्छौं र एकअर्कालाई अझ बढी बुझ्छौं भने त्यहाँ अझ बढी पैसा र अवसरहरु हुनेछन्।” </p>
<p>‘इन्टरप्रेनर’ गीत विलियम्स र चाड ह्यूगोले बनाएका हुन्।<br />
</p>
प्रतिक्रिया दिनुहोस्
.jpg)
