मारिया क्यारी नयाँ एल्बम ‘द रेरिटीज’ लिएर आउँदै
<p>एजेन्सी। कोरोना महामारीले अमेरिका थलिएको बेला गायिका मारिया क्यारी भने व्यस्त छिन्। उनको व्यवस्थता बढाएको हो नयाँ एल्बमको तयारीले।</p>
<p>हो, मारिया क्यारी अहिले नयाँ एल्बमको तयारीमा ब्यस्त बनेकी छन्। आउँदो अक्टोबरमा नयाँ एल्बम ‘द रेरिटीज’ बजारमा ल्याउने तयारी उनको छ।</p>
<p>नयाँ एल्बमको घोषणा उनी आफैले ट्वीटर मार्फत गरेकी हुन्। अक्टोबर २ का दिन एल्बममा बजारमा आउने उनले बताएकी छन्। </p>
<p>“मेरा फ्यानहरु यो (एल्बम) तपाईँको लागि हो,” मारिया क्यारीले भनेकी छन्, “यो खुसीयाली मनाउनको लागि हो। वर्षौदेखि मलाई माया र सहयोग प्रदान गर्नु भएकोमा तपाईँहरू सबैलाई धन्यावाद। म तपाईँहरुप्रति धेरै आभारी छु। मेरो नयाँ एल्बम द रेरीजीट अक्टोबर २ मा आउनेछ।”</p>
<p>नयाँ एल्बममा ३२ वटा गीतहरू रहने उनले जनाएकी छन्। एल्बममा समावेश गरिएका केही गीतहरु हालसम्म कतै सार्वजनिक नगरिएका पनि छन्।</p>
<p>लरेन हिलसँग मिलेर गाएको ‘सेभ द डे’ गीत पनि नयाँ एल्बममा समेटिएको छ। नयाँ एल्बममा मराया क्यारीका सबैभन्दा चर्चित गीतहरू पनि समावेश गरिनेछ। ‘अल्वेज वि माई बेबी’ र ‘हिरो’ जस्ता गीन पनि नयाँ एल्बममा सुन्न सकिनेछ।</p>
प्रतिक्रिया दिनुहोस्
.jpg)
