चौतर्फी आलोचनापछि दुर्गेशले ल्याए अर्को गीत, ‘आलु जस्तो गायक’
<p>काठमाडौं। गायक दुर्गेश थापाको अर्को गीत ‘आलु जस्तो गायक’ सार्वजनिक भएको छ। स्वर, संगीतको ज्ञानबारे चर्चा भइरहेका बेला दुर्गेशले उक्त गीत ल्याएका हुन्।</p>
<p>यसअघि दुर्गेशले दुई वटा तीज गीत ल्याएका थिए। जुन विवादमा आए। चौतर्फी आलोचना तथा विवादमा आउन थालेपछि दुर्गेशले आफ्नो भोगाइबारे गीत बनाएका हुन्।</p>
<p>पल शाह, पुष्प खड्का, सारिका केसीसँगै दुर्गेश आफैंको अभिनय रहेको गीतमा उनले आफ्नो आमाले स्कूल नदेखेको र बुवाले गीत नलेखेको कुरा उल्लेख गरेका छन्।</p>
<p>बसन्त थापाको शब्द संगीत रहेको गीतको भिडिओलाई शिव विकले निर्देशन तथा कोरियोग्राफी गरेका हुन्। यसअघि दुर्गेशले 'बिच्च बिच्चमा भाग दुई' र 'भाग तीन' ल्याएका थिए। जसमा उनले सारी लगाएर नाचेका थिए। जसका कारण उनको चर्को आलोचना भएको थियो।</p>
<p>दुर्गेशले भिडिओमा आफू ‘आलु जस्तो गायक’ गाएको देखाउन खोजेका छन्।</p>
प्रतिक्रिया दिनुहोस्
.jpg)
