बुवाको यादमा सुगम पोखरेलको गीत
<p>काठमाडौं। गायक सुगन पोखरेल गीत संगीतमा लागेको २५ वर्ष भन्दा बढी बितिसक्यो। आफ्नो सांगीतिक यात्राका क्रममा उनले आफ्नै बुवाको लागि एउटा राम्रो कोशेली दिने सोच बनाइरहेका थिए।</p>
<p>तर, कहिले फुर्सद नमिल्ने, कहिले गीत नमिल्ने। अन्तत: उनले यो वर्षको कुशे-औंशीमा बुवालाई सर्प्राईज दिने योजनामा थिए।</p>
<p>र, त्यसको तयारी पनि हुँदै थियो। गीत सबै तयार पारिसकेका थिए। भिडिओ बनाउने तयारीमा थिए। बुवालाई नसुनाएर सिधै सप्राइज दिने उनको योजना थियो। छोराले आफूलाई सप्राइज दिने गरी गीत बनाउँदैं छ भन्ने बुवालाई पनि थाहा थियो। </p>
<p>साउन १० गते बुवा एकनाथ पोखरेलको निधन भयो। उनको निधनपछि न बुवाले छोराको सप्राइज लिन पाए, न त सुगमले दिन पाए। बुवाको अप्रत्याशित निधनले सुगमले बनाएको सप्राइजको योजना अधुरै रह्यो। </p>
<p>आफ्ना बुवाले दिएको शिक्षा-दिक्षा, सोच, सपना तथा आर्शिवादलाई मार्गदर्शन मानेर असल मान्छे बन्ने प्रयासमा लाग्ने सुगम बताउँछन्।</p>
<p>सम्पूर्ण बुवाहरूलाई समर्पित गीत सार्वजनिक गरेका सुगमले सामाजिक सञ्जालमा लेखेका छन्, “यो गीतले एउटा पिताको चित्रण गर्छ। जुन रूप, सोचाई, भोगाई, आचरण, व्यक्तित्व, सम्भवत: तपाईंको मेरो या अझ भनौं हरेक डेडी, पापा, बाबा, बा या बुवाको आकृति पाउनुहुनेछ/देख्नुहुनेछ। समस्त बुवाहरूको लागि आर्शिवाद पाई रहुँ..।”</p>
<p>शब्द, संगीत तथा स्वर समेत उनकै रहेको गीतमा आफ्ना बुवाले विगतमा दिएको उपदेश तथा सत्कर्मको व्याख्या गरेका छन्।</p>
प्रतिक्रिया दिनुहोस्
.jpg)
