गायक निशान र ऋचाले गरे कानूनी विवाह
<p style="text-align: justify;">काठमाडौं। गायक निशान भट्टराई र उनकी प्रेमिका ऋचा न्यौपानेकाे विवाह भएकाे छ।</p>
<p style="text-align: justify;">उनीहरूले काभ्रेपलाञ्चोक जिल्ला अदालत काभ्रेमा गएर कानूनी विवाह गरेका हुन्।</p>
<p style="text-align: justify;">दुई वर्षदेखि प्रेम सम्बन्धमा रहेका उनीहरू कृष्ण जन्माष्टमीको अवसरमा वैवाहिक बन्धनमा बाँधिएका हुन्।</p>
<p style="text-align: justify;">काभ्रे बार एसाेसिएसनका पूर्वअध्यक्ष अधिवक्ता रमेश हुमागाईंले दूवैजनाको विवाह गराएका हुन्।</p>
<p style="text-align: justify;">कानूनअनुसार दुवैजना वैवाहिक बन्धनमा बाँधिएको अधिवक्ता हुमागाईंले बताए।</p>
<p style="text-align: justify;">नेपाल आइडलको पहिलो सिजनमा फस्ट रनरअप भएका निशानले ऋचासँग ‘लाहुर जाने रेल’ मा अभिनय गरेका थिए।</p>
<p style="text-align: justify;">पछिल्लो समयका चर्चित गायक बनेका निशानले थुप्रै गीतमा आवाज दिनुका साथै अभिनयसमेत गरेका छन्।</p>
<p style="text-align: justify;">उनको स्वरमा रहेको ‘के माया लाग्छ र?’ बोलको गीत निकै चर्चामा आएको छ।</p>
.jpg)
