सुनिल थापा सलमानको चलचित्रमा
<p>काठमाडौं। ‘राते काइला’ उपनामले नेपाली दर्शकमाझ परिचित छन्, सुनिल थापा।</p>
<p>चलचित्र ‘मेरी कोम’ मा अभिनेत्री प्रियंका चोपडाको गुरु बनेका उनले नेपालसँगै बलिउडमा पनि प्रशंसा बटुले।</p>
<p>अब फेरि सुनिलले बलिउड सुपरस्टार सलमान खानको प्रोडक्सन हाउसले निर्माण गर्न लागेको फिल्म ‘क्‍वाथा’ मा अभिनय गर्ने भएका छन्।</p>
<p>बलिउड अभिनेत्री कैटरीना कैफकी बहिनी इसाबेल कैफले डेब्यू गर्न लागेको यो फिल्ममा सुनिलले भारतको मणिपुर राज्यको एक मुखियाको भूमिका निभाउनेछन्।</p>
<p>सलमानका ज्वाईं आयुष शर्माको प्रमुख भूमिका रहने फिल्मलाई करण भुटानीले निर्देशन गर्दैछन्।</p>
<p>जनवरीदेखि ‘क्‍वाथा’ को छायाङ्‍कन सुरु हुनेछ।</p>
<p>सन् १९६४ मा चेतन आनन्दको चर्चित फिल्म ‘साहिब बहादुर’बाट सुनिलले बलिउडमा डेब्यू गरेका थिए।</p>
प्रतिक्रिया दिनुहोस्
.jpg)
