विशालले भने– गिद्धहरू ! आफ्नै गीत बनाऊ
<p>बलिउडमा पुराना क्लासिक गीतहरूलाई रिमिक्स गर्ने ‘ट्रेण्ड’ फेरि शुरु भएको छ।</p>
<p>गत वर्ष रिलिज भएको चलचित्र ‘सत्यमेव जयते’को लागि सुस्मिता सेनको हिट गीत ‘दिल्बर दिल्बर..’को रिमिक्समा नुरा फतेहीले काम गरेपछि यो ट्रेण्ड विस्तारै पुनः शुरु भएको थियो।</p>
<p>हालै नुराले नै ‘बाट्ला हाउस’ चलचित्रको लागि पुरानो ‘मुसाफिर’ चलचित्रको ‘साकी साकी...’ गीतको रिमेकमा काम गरिन्।</p>
<p>यो क्रम रोकिएको छैन। पुराना हिट डान्सिङ नम्बरहरूको रिमिक्स गर्ने क्रम जारी छ।</p>
<p>विशाल ददलानी र शेखर रवजियानीका गीत पनि रिमिक्स हुने चर्चा छ। तर, विशालले आफ्ना गीतहरू रिमिक्स गर्न खोज्नेलाई चेतावनी दिएका छन्।</p>
<p>विशाल र शेखरले थुप्रै हिट गीतहरूको सिर्जना गरेका छन्। त्यसैले उनले स्पष्ट रूपमा यदि कुनै साथी या कसैले उनीहरूको गीतहरू रिमिक्स गर्न खोजे सीधै अदालत पुग्ने लेखेका छन्।</p>
<p>उनले ट्वीटरमा लेखेका छन्, ‘चेतावनीः यदि कसैले विशाल र शेखरका गीतहरूको रिमिक्स गर्न खोज्छ भने उसलाई मुद्दा चलाउँछु। ती फिल्म र संगीतकारविरुद्ध अदालत पुग्नेछु। साकी साकी पछि ‘दश बहाने..’, ‘दिदार दे..’, ‘सजना जी वारी वारी...’, ‘देशी गर्ल..’ र अन्य थुप्रै गीतहरू रिमिक्स गर्ने मैले सुनेको छु। गिद्धहरू ! आफ्नै गीत बनाऊ।’</p>
<p>विशालको यो पोस्टको क्याप्सनमा समेत चेतावनी दिइएको छ। लेखिएको छ, – ‘विशाल र शेखरका चिन्हहरू हाम्रो इजाजत बिना प्रयोग नगर्नुस्। यदि गरेको पाइएमा म कानुनी रूपमा आउनेछु। विशेष गरी संगीतकारहरू यस्तो गर्दैछन्।’</p>
<p style="text-align:center"><img alt="" height="298" src="https://www.dekhapadhi.com/storage/photos/shares/Entertainment/vishal dadlani.JPG" width="840" /></p>
<p> </p>
प्रतिक्रिया दिनुहोस्
.jpg)
