आशा भोस्ले र रञ्जित गजमेर एकसाथ देखिने
<p>काठमाडौं। रञ्जित गजमेरको संगीतमा भारतीय गायिका आशा भोस्लेले थुप्रै नेपाली चलचित्रका गीतहरू गाएकी छन्।</p>
<p>अहिले पनि आशाका गीतहरू नेपाली सांगीतिक जगतमा उत्तिकै लोकप्रिय छन्। तर, नेपाली दर्शकले कुनै समयको यो हिट जोडीलाई एकै मञ्चमा देखेका थिएनन्।</p>
<p>चाँडै नै नेपाली सांगीतिक जगतका यी दुई हस्ती एउटै स्टेजमा प्रस्तुत हुने भएका छन्।</p>
<p>साधना कला केन्द्रको आयोजनामा १२ पुसमा काठमाडौंको होटल सोल्टीमा रञ्जित र आशाको सांगीतिक कार्यक्रम हुने केन्द्रका संस्थापक मिलन मोक्तानले जानकारी दिए।</p>
<p>हालै मोक्तान भारतमा आशाको घरमै पुगी कार्यक्रम गर्न सम्झौता पत्रमा हस्ताक्षर गरेका थिए।</p>
<p>कार्यक्रममा आशाले रञ्जितका संगीतमा गाएका गीतहरू गाउने छिन्।</p>
<p>मिलनका अनुसार कार्यक्रममा आशाका छोरा, बुहारी र नातिनी पनि नेपाल आउनेछन्।</p>
<p>आशाले रञ्जितको संगीतमा चलचित्रहरू ‘मितज्यू’, ‘चट्याङ’, ‘पुकार’, ‘देउता’, ‘सपना’, ‘सम्पत्ति’, ‘चिनो’, ‘मायालु’, ‘लाहुरे’, ‘कोशेली’, ‘साइनो’, ‘सम्झना’ र ‘बासुरी’ मा गीत गाएकी छन्।</p>
प्रतिक्रिया दिनुहोस्
.jpg)
