मेगामा गाभिँदै गण्डकी विकास बैंक
<p>काठमाडौं । मेगा बैंक नेपाल लिमिटेडले गण्डकी विकास बैंक लिमिटेडलाई प्राप्ति गर्ने सैद्धान्तिक सहमति भएको छ ।</p>
<p>मेगा बैंक सञ्चालक समितिका अध्यक्ष भोजबहादुर शाह र गण्डकी विकास बैंक लिमिटेडका सञ्चालक समितिका अध्यक्ष सुशील गौचनले दुवै बैंकको सञ्चालक समितिका सदस्यलगायत प्रमुख कार्यकारी अधिकृतको रोहवरमा आज सैद्धान्तिक सहमतिपत्रमा हस्ताक्षर गरेका छन् । </p>
<p>यसपछि मेगा बैंकको पूँजी र व्यवसायको आकारका साथै ठूलो शाखा भएको ‘क’ वर्गको वाणिज्य बैंकका रूपमा स्थापित हुने मेगा बैंकका अध्यक्ष शाहले बताए । </p>
<p>गण्डकी विकास बैंकको शेयर रोक्काको प्रक्रियालगायत नेपाल राष्ट्र बैंकसमक्ष संयुक्त निवेदन दर्ता गर्ने कार्य यथाशीघ्र अघि बढाउने उनले जानकारी दिए ।</p>
<p>असार मसान्त २०७६ को तथ्याङ्कअनुसार दुवै बैंकको संयुक्त निक्षेपको आकार एक खर्ब १२ अर्ब रूपैयाँ तथा कर्जा लगानीको आकार ९८ अर्ब रूपैयाँ रहेको छ । </p>
<p>रासस</p>
प्रतिक्रिया दिनुहोस्
.jpg)
