महामारीपछिको आर्थिक पुनरुत्थानका लागि विश्व बैंकले ४२ अर्ब सहयोग गर्ने
<p>काठमाडौं। नेपालको शहरी विकास र वित्तीय क्षेत्रको सृद्धिढीकरण सहित कोभिड–१९ पछिको उत्थानशिल पुनरुत्थानका पहललाई टेवा पुर्याउन विश्व बैंकले नेपाललाई ४२ अर्ब रुपैयाँ सहयोग गर्ने भएको छ।</p>
<p>आज अर्थमन्त्रालयमा भएको दुई वटा छुट्टा छुट्टै सम्झौताअनुसार महामारीपछि नेपालको आर्थिक पुनरुत्थानका लागि विश्व बैंकले उक्त रकम सहयोग गर्ने भएको हो।</p>
<p>नेपाल शहरी शासकीय सुधार तथा पूर्वाधार आयोजना र आर्थिक वृद्धिका लागि वित्त विकास नीति सहायता गरी दुई वटा सम्झौतामा हस्ताक्षर भएको बताइएको छ।</p>
<p>सम्झौतामा नेपालको तर्फबाट अर्थ सचिव शिशिरकुमार ढुंगाना र माल्दिभ्स, नेपाल र श्रीलंकाका लागि विश्व बैंकका राष्ट्रिय निर्देशक फारिस हदाद जर्भोसले हस्ताक्षर गरे।</p>
<p>सम्झौता अनुसार, विश्व बैंकले १५ करोड अमेरिकी डलर (करिब १८ अर्ब रुपैयाँ) शहरी शासकीय सुधार र पूर्वाधार आयोजनाले दुई रणनैतिक शहरी समूहहरुमा अवस्थित ३३ वटा नगरपालिकालाई सहयोग गर्नेछ।</p>
<p>यसमा पूर्वी तराई क्षेत्र (प्रदेश १ र २) र पश्चिमी क्षेत्र (गण्डकी प्रदेश र लुम्बिनी प्रदेश)का नगरपालिकाहरु छन्।</p>
<p>सम्झौतापछि अर्थ सचिव शिशिरकुमार ढुंगानाले नेपालमा सहरी विकासको सृद्धढीकरण र वित्तीय क्षेत्रको स्थिरतामा सुधारका लागि प्राप्त भएको विश्व बैंकको सहयोगप्रति आभार व्यक्त गरे।</p>
<p>उनले आयोजनाहरुले नेपालमा संघीयताको कार्यान्वयन र वित्तीय सुधारको विषयलाई टेवा दिँदै सरकारको कोभिड–१९ पछिको आर्थिक पुनरुत्थानका प्रयासमा योगदान पुग्ने बताए।</p>
<p>यसैगरी, विश्व बैंकले आर्थिक वृद्धिका लागि वित्त नीति विकास सहायतामार्फत २० करोड अमेरिकी डलर (करिब २४ अर्ब) रुपैयाँ बजेटरी सहयोग प्रदान गर्ने छ।</p>
<p>यस आयोजनाले महामारीको प्रभावको सन्दर्भमा, बैंकिङ र वित्तीय संस्थाहरुले सामना गर्नुपर्ने जोखिमहरुको उचित सम्परीवेक्षणमा सहयोग पु¥याउनेछ।</p>
<p>यसले निजी क्षेत्रमा जाने पूँजी प्रवाहमा अभिवृद्धि गर्दै लगानीका नयाँ अवसरहरु लगायत उपलब्ध गराउन सहयोग समेत पुर्याउने बताइएको छ।</p>
<p>विश्व बैंकका राष्ट्रिय निर्देशक फारिस हदाद जर्भोसले राहत, पुनरुत्थान र उत्थानशिल योजना कार्यान्वयनका लागि नेपाल सरकारको प्रयासमा सहयोग पुर्याएको बताए।</p>
<p>उनले तत्कालका आवश्यक्ताका साथसाथै दीर्घकालिन उद्देश्यहरु प्राप्त गर्न र महामारीपछि पहिलाको भन्दा सबल र उत्तम पुननिर्माणका अवसहरु सुनिश्चित गर्नका लागि विश्व बैंकले सहयोग गरेको बताए।</p>
प्रतिक्रिया दिनुहोस्
.jpg)
