कोभिड-१९ का कारण बन्द भएका उद्योगको जोखिम बीमा शुल्कमा छुट
<p style="text-align: justify;">काठमाडौं। बीमा समितिले कोरोना भाइरसका कारण चल्न नसकेका उद्योगको जोखिम बीमा शुल्क घटाएको छ।</p>
<p style="text-align: justify;">समितिले कोरोनाका कारण बन्द भएको उद्योगलाई उद्योगको बीमा दर संशोधन गरेर शुल्क घटाएको हो।</p>
<p style="text-align: justify;">समितिले जारी गरेको सम्पत्ति बीमा निर्देशिका, २०७५ को अनुसूची ११ को १६१ बुँदामा बन्द अवस्थाको कारखाना बीमा दरलाई संशोधन गरेर शुल्क घटाउन भनिएको छ।</p>
<p style="text-align: justify;">जसअनुसार समितिले कोभिड-१९ का कारण अहिले बन्द भएका उद्योगहरूको बीमा शुल्क दुई तिहाइ कायम गर्न बीमा कम्पनीहरूलाई निर्देशन दिएको छ।</p>
<p style="text-align: justify;">यस्तै कोभिड-१९ को प्रभावका कारण हाल बन्द अवस्थामा रहेका उद्योगको बीमा दर ३ रूपैयाँ प्रतिहजार कायम गरिएको छ।</p>
<p style="text-align: justify;">कोभिड-१९ को कारण बन्द भएका उद्योगको हकमा बन्द अवस्थाको जोमिखका लागि जोखिम समूहको बीमा दर ५० प्रतिशत समानुपातिकरूपले छुट प्रदान हुनेछ।</p>
<p style="text-align: justify;">यो व्यवस्था चालू आर्थिक वर्ष २०७७/७८ को नेपाल सरकारको बजेट वक्तव्यमा उल्लेखसमेत भएको छ।</p>
<p style="text-align: justify;">यसरी बजेटबमोजिम प्राप्त भएको छुट ८३ दिनका लागि कायम हुने बताइएको छ।</p>
.jpg)
