जुम्ल्याहा हात्तीको तस्बीर भएको एक हजारको नयाँ नोट बजारमा आउँदै
<p style="text-align: justify;">काठमाडौं। नेपाल राष्ट्र बैंकले चितवनको हात्तीसारमा जन्मिएको राम लक्ष्मणको चित्र भएको १००० को नयाँ नोट निष्कासन गर्ने भएको छ। </p>
<p style="text-align: justify;">केन्द्रीय बैंकले एक सूचनामार्फत नयाँ नोट निष्कासन गर्ने जनाएको हो। नोटमा साबिकको हात्तीको तस्बीरभन्दा नयाँ हात्तीको तस्बीर राख्न लागिएको हो। </p>
<p style="text-align: justify;">बैंकको सूचनामा भनिएको छ, ‘नोटको मध्यभागमा चितवनको हात्तीसारमा रहेको देवकलीबाट जन्मेका राम लक्ष्मण भनेर चिनिएको दुईवटा हात्तीको फोटो हुनेछ।’</p>
<p style="text-align: justify;">आजदेखि चलनचल्तीमा ल्याइने नोटको बायाँतर्फ सगरमाथाको चित्र रहनेछ। नयाँ नोटमा राष्ट्र बैंकका पूर्वगभर्नर डा. चिरञ्जीवी नेपालको हस्ताक्षर हुनेछ । <em>रासस</em></p>
.jpg)
